* សម្រាប់បេក្ខជនស្នើសុំទិដ្ឋាការ​ 482: ទិដ្ឋាការនេះគឺសម្រាប់កម្មករជំនាញដែលត្រូវបានជ្រើសរើសដោយនិយោជកដែលមានកិច្ចព្រមព្រៀងការងារ។ វាអនុញ្ញាតឱ្យអ្នករស់នៅ និងធ្វើការនៅប្រទេសអូស្ត្រាលីជាបណ្ដោះអាសន្ន។ កិច្ចព្រមព្រៀងការងារត្រូវបានបង្កើតឡើងរវាងរដ្ឋាភិបាលអូស្ត្រាលី (តំណាងដោយនាយកដ្ឋាន) និងនិយោជក។

* សម្រាប់បេក្ខជនស្នើសុំទិដ្ឋាការ 494: ទិដ្ឋាការ 494 គឺជាទិដ្ឋាការស្នាក់នៅបណ្តោះអាសន្នដែលមានសម្រាប់កម្មករជំនាញ។ វាអាចប្រើបានទាំងកម្មករជំនាញដែលកំពុងរស់នៅ និងធ្វើការនៅប្រទេសអូស្ត្រាលីជាបណ្តោះអាសន្ន និងសម្រាប់កម្មករជំនាញដែលរស់នៅក្រៅអូស្ត្រាលី។

* សម្រាប់អ្នកកាន់ទិដ្ឋាការ 482: បេក្ខជន ដំបូងត្រូវទទួលបានទិដ្ឋាការបណ្តោះអាសន្ន (ប្រភេទរង 482) និងធ្វើការនៅប្រទេសអូស្ត្រាលីយ៉ាងហោចណាស់ 3 ឆ្នាំសម្រាប់និយោជកដែលធានាអ្នក ហើយបន្ទាប់មកដាក់ពាក្យសុំទិដ្ឋាការអចិន្ត្រៃយ៍។ ក្នុងករណីខ្លះ បេក្ខជនអាចដាក់ពាក្យដោយផ្ទាល់តាមរយៈទិដ្ឋាការអចិន្ត្រៃយ៍ (ទិដ្ឋាការ 186)។ ទោះជាយ៉ាងណាក៏ដោយ និយោជកចូលចិត្តផ្លូវទិដ្ឋាការ 482 ជាង។

* សម្រាប់អ្នកកាន់ទិដ្ឋាការ 494: ទិដ្ឋាការក្នុងតំបន់ 494​ ផ្តល់ផ្លូវផ្ទាល់ទៅកាន់ទិដ្ឋាការអចិន្ត្រៃយ៍ (PR) តាមរយៈទិដ្ឋាការ 191 បន្ទាប់ពីធ្វើការងារក្នុងតំបន់រយៈពេល 3ឆ្នាំ។ នេះគឺជាអត្ថប្រយោជន៍ដ៏សំខាន់មួយបើប្រៀបធៀបទៅនឹងផ្លូវ ទិដ្ឋាការអចិន្ត្រៃយ៍ ដែលបានកំណត់តាមរយៈកម្មវិធីទិដ្ឋាការ​ 482 ។

មនុស្សពេញវ័យដែលទទួលបានទិដ្ឋាការអចិន្ត្រៃយ៍នៅ ឬក្រោយថ្ងៃទី 1 ខែកក្កដា ឆ្នាំ 2007 ត្រូវតែរស់នៅដោយស្របច្បាប់ក្នុងប្រទេសអូស្ត្រាលីរយៈពេល 4 ឆ្នាំភ្លាមៗ មុនពេលដាក់ពាក្យសុំសញ្ជាតិអូស្ត្រាលី។ នេះរួមបញ្ចូលៈ 12 ខែជាអ្នករស់នៅអចិន្ត្រៃយ៍។

* សម្រាប់​បេក្ខជនស្នើសុំទិដ្ឋាការ 482: អ្នកត្រូវចេះភាសាអង់គ្លេស កំរិត​ IELTS 5.0។

* សម្រាប់​បេក្ខជនស្នើសុំទិដ្ឋាការ 494:

- តាមរយៈកម្មវិធីឧបត្ថម្ភដោយនិយោជក: បេក្ខជនចម្បងត្រូវចេះភាសាអង់គ្លេស កំរិត​ IELTS 6.0 និង ត្រូវប្រលងជាប់ការវាយតម្លៃជំនាញនៅក្នុងមុខងារដែលត្រូវបានជ្រើសរើស។ ហើយសមាជិកគ្រួសារក្នុងបន្ទុករបស់ពួកគេដែលមានអាយុលើសពី 18ឆ្នាំ យ៉ាងហោចណាស់ចេះភាសាអង់គ្លេសកំរិត IELTS 4.5 ។

- តាមរយៈកម្មវិធីកិច្ចព្រមព្រៀងការងារ: បេក្ខជនចម្បងត្រូវតែមានកម្រិតភាសាអង់គ្លេសដូចដែលបានបញ្ជាក់នៅក្នុងកិច្ចព្រមព្រៀងការងារ។​​

អ្នកដាក់ពាក្យសុំទិដ្ឋាការ​ 482 ត្រូវមានបទពិសោធន៍ការងារពេញម៉ោងសម្រាប់មុខតំណែងដែលត្រូវជ្រើសរើស ឬមុខតំណែងដែលស្រដៀងគ្នាយ៉ាងហោចណាស់ 2ឆ្នាំ និង​ 3ឆ្នាំ​ សម្រាប់ទិដ្ឋាការ 494។

អ្នកអាចស្នាក់នៅបានរហូតដល់ 4 ឆ្នាំសម្រាប់អ្នកកាន់ទិដ្ឋាការ 482 និង 5ឆ្នាំសម្រាប់អ្នកកាន់ទិដ្ឋាការ 494 ។

* សម្រាប់អ្នកកាន់ទិដ្ឋាការ 482: ប្រសិនបើអ្នកកំពុងដាក់ពាក្យសុំ ឬកាន់ទិដ្ឋាការ 482 អ្នកត្រូវទទួលខុសត្រូវចំពោះការចំណាយសុខភាពទាំងអស់របស់អ្នក ខណៈពេលដែលអ្នកនៅក្នុងប្រទេសអូស្ត្រាលី ហើយអ្នកត្រូវរក្សាការធានារ៉ាប់រងសុខភាពគ្រប់គ្រាន់។ អ្នកនឹងមិនត្រូវបានរ៉ាប់រងដោយគម្រោងសុខភាពជាតិរបស់អូស្ត្រាលី (Medicare) លុះត្រាតែប្រទេសរបស់អ្នកមានកិច្ចព្រមព្រៀងថែទាំសុខភាពទៅវិញទៅមកជាមួយអូស្ត្រាលី។

* សម្រាប់អ្នកកាន់ទិដ្ឋាការ 494: អ្នកកាន់ទិដ្ឋាការបណ្តោះអាសន្ន 494 ក្នុងតំបន់ថ្មីនឹងមានសិទ្ធិទទួលបានការរ៉ាប់រងដោយគម្រោងសុខភាពជាតិរបស់អូស្ត្រាលី Medicare។ 

ចាប់ពី AU$ 125 ក្នុងមួយខែឡើងទៅ។

អ្នកកាន់ទិដ្ឋាការ 482 និង​​494 អាចទិញផ្ទះបានដោយលុយផ្ទាល់ខ្លួនតែប៉ុណ្ណោះ (ការខ្ចីប្រាក់ និងសិទ្ធិទិញអចលនទ្រព្យវិនិយោគមិនមានសម្រាប់អ្នកទិញបរទេសទេ)។ មិនមានជំនួយ ឬការបញ្ចុះតម្លៃសម្រាប់អ្នកកាន់ទិដ្ឋាការ 482 និង​​494 ជាអ្នកទិញផ្ទះដំបូងដែលមានស្ថានភាពសញ្ជាតិបរទេសទេ។

នៅក្រោមទិដ្ឋាការ 482 និង 494 ជាទូទៅអ្នកនឹងក្លាយជាអ្នកស្នាក់នៅបណ្តោះអាសន្ន ដែលតម្រូវអោយបំពេញកាតព្វកិច្ចបង់ពន្ធ​ ដូចពលរដ្ឋអូស្រ្តាលីអញ្ចឹង។ 

ភាពខុសគ្នាដ៏សំខាន់បំផុតរវាងទិដ្ឋាការ 494 និងទិដ្ឋាការ 482 គឺជាតម្រូវការ PR ។ ជាមួយនឹងទិដ្ឋាការ 494 អ្នកមិនត្រូវការនិយោជកធានាអ្នកដើម្បីស្នើសុំ ទិដ្ឋាការអចិន្ត្រៃយ៍ (PR) ទេ។ ការផ្តល់អោយដោយសារអ្នកបានបំពេញតាមតម្រូវការ PR 191 ផ្សេងទៀតដូចជា៖ ការរស់នៅ និងធ្វើការនៅក្នុងតំបន់ដែលបានកំណត់រយៈពេល 3 ឆ្នាំ។

* សម្រាប់អ្នក​ស្នើ​សុំទិដ្ឋាការ 482: ទិដ្ឋាការនេះមិនមានការកំណត់អាយុទេ តែការស្នើសុំទិដ្ឋាការអចិន្ត្រៃយ៍លេខ186 តម្រូវអោយមានអាយុក្រោម 45 ឆ្នាំ​ និង​ អាយុក្រោម 50 ឆ្នាំ ទៅតាមតំបន់ខ្លះ។

* សម្រាប់អ្នក​ស្នើ​សុំទិដ្ឋាការ 494: បេក្ខជនត្រូវមានអាយុក្រោម 45 ឆ្នាំ។

* សម្រាប់អ្នក​ស្នើ​សុំទិដ្ឋាការ 482: 

- 8​​ ថ្ងៃ ទៅ 70 ថ្ងៃ តាមរយៈលំហូរការងាររយៈពេលខ្លី

- 8​​ ថ្ងៃ ទៅ 70 ថ្ងៃ តាមរយៈលំហូរការងាររយៈពេលមធ្យម និងបញ្ជីមុខរបរក្នុងតំបន់។ 

 - 15 ថ្ងៃ ទៅ 5​ ខែ តាមរយៈលំហូរការងារកិច្ចព្រមព្រៀងការងារ។

* សម្រាប់អ្នក​ស្នើ​សុំទិដ្ឋាការ 494: 

- 59 ថ្ងៃ ទៅ 9 ខែ តាមរយៈលំហូរកិច្ចព្រមព្រៀងការងារ។ 

- 5 ខែ ទៅ 16 ខែ តាមរយៈលំហូរការងារដែលធានាដោយនិយោជកតាមតំបន់។